Metoda të popullarizuara për përgatitjen e kafesë

Ndonëse s’ka një mënyrë të përsosur për përgatitjen e kafesë, mjetet e qëlluara të kafesë mund ta bëjnë kafenë e zakonshme një shije kryevepër. Provimi i disa prej metodave më të popullarizuara japin një mori aromash që presin në çdo paketim të kokrrave të kafesë.

 

Mbani mend që raporti mes vrazhdësisë së kafesë së bluar dhe procesit të nxjerrjes është i anasjelltë. Ju s’duhet të pritni një espresso nga një kafe e bluar tepër vrazhdë/trashë, dhe një kafe e bluar imët kurrë s’bën të përdoret për një përgatitje të zgjatur.

 

Metoda turke e përgatitjes


Kjo metodë është e pranuar historikisht si metoda origjinale e përgatitjes. Mjeti i vetëm që nevojitet për këtë metodë është xhezvja, e cila përdoret për të mundësuar procesin e nxjerrjes.

 

Metoda turke është e vetmja mënyrë që mban kontaktin mes kafesë dhe ujit gjatë gjithë përgatitjes. Së pari kafja e bluar imët vendoset në xhezve bashkë me ujin. Kjo përzierje më pas nxehet deri në pikën e një vlimi të lehtë, duke u larguar nga nxehtësia dhe pastaj duke e vluar prapë. Ky proces përsëritet tri herë, dhe secili cikël i vlimit tregohet nga paraqitja e shkumës.

 

Kafja turke shërbehet në filxhanë të vegjël me një shtresë shkume në sipërfaqe të kafesë. Kafja turke njihet për shijen e saj të pasur e të trashë.

 

 

Metoda e pikimit


Metoda amerikane e përgatitjes së kafesë mbështetet në aplikimin e vazhdueshëm të ujit me nxehtësi

prej 90 – 97 gradë celsius në kafenë e bluar. Kafeja e bluar e përdorur në këtë metodë mund tëndryshojë në vrazhdësinë/trashësinë e saj, por nuk bën të përdoret kafeja e bluar nën mesatare (dmth jo tepër e imët). Temperaturat më të nxehta e shtojnë freskinë e kafesë së prodhuar, kurse temperaturat më të ulëta japin një shije më të thellë, më evropiane.

 

Procesi i pikimit e filtron kafenë nëpërmjet rrjetës së letrës, të metalit apo të plastikës. Secila nga këto opsione do të ketë efekt të vogël në kualitetin e kafesë së bërë. Sidoqoftë, filtruesit që janë për një përdorim nuk bën të ripërdoren, kurse filtruesit që mund të ripërdoren duhet gjithmonë të jenë të pastër.

 

Bërësit e kafesë me pikim në përgjithësi vijnë ose në versione manuale, ose në ato elektrike. Versionet elektrike preferohen për shkak të nivelit të lartë të kontrollit. Mundohuni t’u shmangeni bërësve të kafesë që kanë pllaka më të nxehta, sepse këto pllaka e mbajnë kafenë të nxehtë, por e dëmtojnë shijen.

 

 

Përgatitja me plunzher (me zhytje)


Kjo metodë njihet si shtypja franceze. Përgatitja ndodh nëpërmjet zhytjes së kokrrave të kafesë me anë të shtypjes mekanike. Kjo metodë kërkon mjete më interesante, përfshirë këtu dhe vetë shtypësin francez dhe një termometër për të njehsuar temperaturën e ujit.

 

Për një shtypje franceze ju duhet të përgatitni dy lugë të mëdha me kafe mesatarisht të bluar dhe 180 mililitra ujë me temperaturë 90 - 97 gradë celsius. Fillo duke vendosur kafenë e bluar në fund të cilindrit të shtypësit francez. Pastaj në cilindër derdh 90 mililitra ujë të nxehtë. Prit 3 minuta për të lejuar një përgatitje të lehtë e pastaj përzieje lehtas. Pas kësaj kafeja juaj do të duhej të bjerë në fund të aparatit. Pas rënies, duhet të shtohen 90 mililitrat tjera të ujit të nxehtë. Pastaj duhet të ndodhin 3 minutat fundit të përgatitjes. Në fund, sille plunzherin poshtë për të ndarë kafene bluar nga lëngu i kafesë.

 

Metoda e shtypja franceze prodhon një filxhan kafeje të fortë të njohur për gjallërinë e saj./dailyshotofcof