• Njerëzit që pinë shumë çaj e kafe, kanë shtypje më të ulët të gjakut
• Ata që pinë më shumë se katër filxhanë kafe në ditë, po ashtu, kanë puls më të rrallë të zemrës
• Ata që nuk pinë çaj apo kafe, kanë nivelet më të larta të shtypjes së gjakut
• Flavonoidet në çaj mund të ndihmojnë në relaksimin e enëve të gjakut, prandaj dhe shtypje më të ulët të gjakut
Kjo është një arsyetim i përsosur për një filxhan (me kafe a çaj).
Dashamirët e çajit dhe të kafes kanë shtypje më të ulët të gjakut sesa ata që kurrë nuk i prekin këto. Dhe ata që pinë më së shumti, kanë numrat më të vogël (në matjen e shtypjes së gjakut), zbuloi një studim.
Pirja e katër filxhanëve me kafe a çaj në ditë, mund të jetë më mirë për ju sesa të mospirja e asnjë, sepse kafeina mund të shkaktojë rënien e shtypjes së gjakut dhe të pulsit të zemrës.
Studimet e mëparshme këshillojnë që pirja e më shumë se katër filxhanë kafe në ditë mund të rrisë shtypjen e gjakut, dhe dashamirët e kafesë, të çajit dhe të pijeve tjera më kafeinë duhet të konsiderojnë të ulin sasinë e konsumimit.
Por, zbulimet nga Qendra për Hetime Klinike dhe Parandalim në Paris kundërshtojnë shumicën e këshillave mjekësore të cilat u rekomandojnë njerëzve me shtypje të lartë të gjakut të ndërpresin konsumin e kafeinës.
Një në katër njerëzit të moshës mesatare kanë shtypje të lartë të gjakut, ashtu siç kanë gjysma e atyre mbi 65 vjeç. Shtypja e lartë e gjakut mund të rrisë rrezikun e sëmundjes së zemrës, sulmit në tru, dhe gjendjeve tjera serioze.
Hulumtimi i ri përfshin monitorimin e shtypjes së gjakut të burrave dhe të grave me moshë 16 deri 95 vjeç për një periudhë dhjetë vjeçare. Pjesëmarrësve iu kërkua të shënonin konsumimin e kafes dhe çajit të tyre, dhe rezultatet lejuan që grupi të ndahej në tri kategori: në ata që u përmbajtën, në ata që pinë mes një dhe katër filxhanë në ditë, dhe në ata që pinë më shumë.
Rezultatet treguan që pirësit e mëdhenj përfituan më së shumti dhe patën numrat më të ulët në matjen e shtypjes sistolike dhe diastolike të gjakut. Ata, po ashtu, patën pulsin më të ulët të zemrës.
Ka mundësi që flavonoidet në çaj mund të ndihmojnë në relaksimin e enëve, prandaj dhe uljen e shtypjes së gjakut.
Dashamirët e etshëm të kafesë patën vetëm pak shtypje më të lartë të gjakut.
Grupi me shtypjen më të lartë të gjakut e me numrin më të lartë të pulsit ishin ata që nuk pinë as çaj, as kafe.
Dallimi mes grupeve ishte i vogël, por shkencërisht i rëndësishëm, thanë autorët.
Mjekët kanë argumentuar për shumë vite rreth raporteve mes kafesë, çajit dhe shtypjes së gjakut. Ndërsa disa studime sugjerojnë që konsumimi modest i pijeve mund të ulë shtypjen e gjakut, të tjerat nuk kanë qenë vendimtare.
Shumë ekspertë druajnë që pirja e sasisë së madhe të kafeinës mund ta përkeqësojë shtypjen e lartë të gjakut. Sipas udhëzimeve të Institutit Kombëtar për Shëndet dhe Kujdes, duhet dekurajuar nga konsumimi i tepërt i kafes dhe i çajit.
Ndonëse studimi i ri nuk provon që kafja dhe çaji janë shkaktar të shtypjes së ulët të gjakut, ai sugjeron që mund të mos jetë e domosdoshme t’u thuhet personave me shtypje të lartë të gjakut të ulin sasinë e pijeve.
Dr. Bruno Pannier, i cili ia prezantoi zbulimet e tij Shoqatës Evropiane të Hipertensionit në Milano, tha që ka mundësi që flavonoidet në çaj mund të ndihmojnë në relaksimin e enëve të gjakut, prandaj dhe uljen e shtypjes së gjakut.
Mirëpo, ai pranoi që studimi i tij nuk kishte bërë dallim mes çajit të zi, çajeve bimore dhe çajit të gjelbër./dailymail